Chest an al è il Comun di Torean che al dâ il bon acet ae Fraie de Vierte de Societât Filologjiche, la fieste che e siere la Setemane de culture furlane domenie ai 18 di Mai a buinore.
PROGRAM:
A lis 9.00 Visite vuidade ae gleseute di San Maur Abât di Toan cun Valentina Ridolfo*
A lis 10.00 Sante Messe
A lis 11.30 Si vierzin i lavôrs li de Aziende Agricule Volpe Pasini (vie Cividât 16 a Toan)
Salût dai Sorestants
Enos Costantini al presente il numar monografic di «Sot la Nape» dedicât a Torean e al so teritori
Premiazion dai docents dai Cors pratics di lenghe e culture furlane 2024
Al presente Giuliano Lesa
A la une Ghiringhel in compagnie
* Pe cjaminade si consein scarpis comudis.
S’al plûf la visite vuidade no si le fâs e la Messe e ven celebrade inte glesie parochiâl di San Nicolau Vescul a Toan.
Cun di plui miercus ai 14 e vinars ai 16 di Mai intes scuelis de infanzie e primarie di Torean si fâs fieste cu la Fraie dai Fruts, par cure dal Docuscuele: doi spetacui di Michele Polo dal “Teatro della Sete”, dulà che i protagoniscj a son i pipins e lis marionetis dal C.I.P.S. (Centro Internazionale Vittorio Podrecca - Teatro delle Meraviglie di Maria Signorelli) di Cividât.