Al è daûr a tacâ un gnûf cors pratics di lenghe e culture furlane a Ruvigne!
I cors pratics a son inmaneâts de Societât Filologjiche Furlane cul finanziament de ARLeF - Agjenzie Regjonâl pe Lenghe Furlane. A tratin argoments di grafie e gramatiche, cun aprofondiments su aspiets storics e culturâi dal Friûl. Lis lezions a son 13 di 2 oris a la volte, par un totâl di 26 oris.
A la fin dai cors al vignarà consegnât un certificât di frecuence a chei arlêfs che a varan cjapât part a almancul il 70% des oris di lezion. Il certificât al è titul culturâl par jentrâ te Liste regjonâl dai insegnants cun competencis di lenghe furlane.
I cors a son a gratis e vierts a ducj i interessâts.
Lis informazions pes iscrizions si cjatin inte PAGJINE DAI CORS PRATICS, FRACANT ACHÌ.