IL 5 PAR MIL AE SOCIETÂT FILOLOGJICHE FURLANE

PAR PRUDELÂ LA LENGHE, LA CULTURE E LA IDENTITÂT DAL NESTRI FRIÛL
DONE IL TO CINC PAR MIL AE SOCIETÂT FILOLOGJICHE FURLANE


Ancje chest an cu la presentazion des declarazions dai redits si pues destinâ il cinc par mil a pro de Societât Filologjiche Furlane. 
Cemût fâ? Sul model che si dopre pe declarazion (CUD, 730 e Model Unic) al baste:
1. Firmâ il cuadri di pueste, che al à par titul “Sostegno del volontariato e delle altre organizzazioni non lucrative di utilità sociale, delle associazioni di promozione sociale e delle associazioni riconosciute che operano nei settori di cui all’art. 10, c. 1, lett a), del D.Lgs. n. 460 del 1997”. 
2. Scrivi il codiç fiscâl de Societât Filologjiche Furlane:  80010510305

Il 5 par mil nol coste nuie di plui al contribuent: e je une cuote che ognidun al pues destinâ aes associazions e ai ents acreditâts par sostignî la lôr opare sociâl, culturâl e di ricercje sientifiche.
O domandìn ai nestris socis e colaboradôrs di fâ cognossi cheste pussibilitât di judâ la Filologjiche ancje a chei di famee e ai amîs.
E je une maniere di judâ, cence spesis, un Istitût che di cent agns incà al è impegnât a pro de lenghe, de culture e de identitât dal nestri Friûl.