Ai 6 di Jugn dal 1350 il patriarcje Bertrant al fo sassinât intes planis de Richinvelde di bande di une schirie di cjastelans furlans. Al jere stât clamât a la vuide dal Patriarcjât di Aquilee dal 1334, dopo vê insegnât dirit canonic e civîl inte Universitât di Tolose e vê fat di capelan al pape, in Avignon (lui al jere nassût a Saint Geniès tal Quercy, in France).
Al jere rivât in Friûl bielzà insù cui agns, ma cuntun plan precîs di riformis di meti in vore.
Al è stât om di glesie, om de politiche, om des vueris, om che al cirive la pâs, om de diplomazie, ma al jere ancje a pro des arts e de culture e "amì dai puars".
Tal 1760 pape Clement XIII lu à fat beât.
Daurman dopo de sô muart, Bertrant al à gjoldût di une grande devozion popolâr; a Udin la int e spietà cun grancj onôrs il so cuarp puartât de Richinvelde, e i siei rescj si cjatin inmò in dì di vuê tal domo, intune des capelis laterâls.
Lis rivistis furlanis nus puartin ae scuvierte di chest grant patriarcje e dai fats peâts ae sô muart cun tancj contribûts di podê lei e discjamâ in maniere libare.
Frache achì par jentrâ tal percors "Il Beato Bertrando"