Une mostre fotografiche inmaneade dal Comun di San Vît dal Tiliment cu la poie de ARLeF - Agjenzie Regjonâl pe Lenghe Furlane e il patrocini de Societât Filologjiche Furlane e dal CRAF - Centri di Ricercje e Achiviazion de Fotografie.
L'autôr, Gian Piero Deotto, al à fotografât dilunc dai agns e in dutis lis stagjons il cors dal re dai flums alpins, des risultivis ae fôs.
La mostre, metude sù in Sierade e po sospindude par vie dai decrets cuintri la emergjence sanitarie, e torne a vierzi e si pues viodile inte glesie di San Lurinç a San Vît dal Tiliment dai 3 ai 19 di Fevrâr, di lunis a vinars des 17.30 aes 20.
Il catalic al è publicât de Societât Filologjiche Furlane.
Sul canâl Youtube si pues viodi, fracant achì, la scree de mostre ch'e je stade fate ai 31 di Otubar dal àn passât. A àn fevelât Antonio Di Bisceglie (sindica di San Vît dal Tiliment), Franco Colussi (vicedean de Societât Filologjiche pa Friûl di soreli a mont), Eros Cisilino (president de ARLeF), Alvise Rampini (diretôr dal CRAF) e l'autôr des fotografiis Gian Piero Deotto.