Il Strolic Furlan tai agns al à simpri dât atenzion a la grafiche, afidade a pitôrs tant che Ernesto Mitri, Renzo Tubaro, Fred Pittino, Emilio Caucigh; a vuê invezit grafics e ilustradôrs a son figuris professionâls autonomis, che a somein ai disegnadôrs di graphic novel e di fumets, dispès ancje autôrs dai tescj.
La Societât Filologjiche Furlane e à volût dâur visibilitât cuntune mostre itinerant par cure di Gabriela Bucco e Dani Pagnucco, che e met adun lis oparis des ilustradoris e dai ilustradôrs che a àn colaborât ae redazion dal Strolic Furlan e dal Lunari pal 2022.
Graziis, duncje, ai artiscj Emanuele Bertossi, Alessandra Cimatoribus, Oriana Cocetta, Sara Colautti, Alessandra D’Este, Alessandro D’Osualdo, Maria Ellero, Annalisa Gasparotto, Barbara Jelenkovich, Anna Mattiuzzo, Marisa Moretti, Pietro Nicolaucich, Federica Pagnucco, Silvia Pignat, Luisa Tomasetig, Pia Valentinis.
Fracant su la freçute tal barcon parsore si pues cjalâ la presentazion de mostre e tal download in cheste pagjine discjamâ il catalic