Prin romanç in marilenghe, opare mestre - e ancjemò insuperade - che e à screât la narative furlane, L’aghe dapît la cleve e ven fûr dopo 75 agns intune gnove edizion par cure di Davide Turello, in grafie normalizade e cun centenârs di notis a pît di pagjine, no dome par facilitâ la leture, ma soredut par recuperâ il lessic di Dino Virgili, ricjissim ma pal plui lât in dismentie, e par une contestualizazion storiche/antropologjiche de sô narazion; un invît a imparonâsi dal tesaur di un’opare di grant valôr leterari che e vâ al cûr.
Il volum, editât de Societât Filologjiche Furlane, al vignarà presentât tal Hospitale di San Giovanni di San Tomâs (Maian) vinars ai 13 di Fevrâr aes 6 e mieze sore sere.
A intervegnin Angelo Floramo e Davide Turello.
Prenotazions:
amicidell'hospitale@gmail.com
https://hospitalesangiovanni.wordpress.com/