Bielzà de sô fondazion, intal 1919, la Societât Filologjiche e à sostignût la ativitât teatrâl par furlan e e veve ancje une compagnie sô, la Compagnie Dialetâl di Udin, nassude dal 1921.
Dai nestris archivis us mostrìn cualchi manifest dai spetacui dai agns Vincj dal Nûfcent, a traviers di un percors gjavât dal portâl techefriulane.it
Par jentrâ intal percors su la Compagnie Dialetâl di Udin frache achì.
Il portâl techefriulane.it al met adun un patrimoni di documentari e bibliografic fat di volums, articui, fotografiis, videos e stampis.
Cuntune grafiche moderne che si adate a ducj i supuarts (computer,
tablet, smartphone), il sît al permet di consultâ in maniere une vore
facile dute cheste documentazion, catalogade e digjitalizade par intîr.
Chestis 'vetrinis furlanis' a metin adun intun sôl catalic in linie dut
il lavôr di valorizazion digjitâl che la Filologjiche e à puartât
indevant e che nol rivuarde dome il so patrimoni, ma al è viert a
istituzions culturâls e ents locâi par jessi un vêr imprest di
valorizazion de culture e dal teritori dal Friûl.