In ocasion dal Centenari di fondazion de Societât Filologjiche Furlane, tal 2019, il mestri Valter Sivilotti al à componût une rielaborazion strumentâl di
Un salût 'e Furlanie di Arturo Zardini.
Cussì e je nassude
Furlanie, une composizion che, con gust moderni, e pant une vore ben la continuitât cu la storie, la memorie e la tradizion de Filologjiche.
Il toc al compagne ancje il
video che il regjist Dorino Minigutti al à realizât par contâ i cent agns di storie de SFF.
Al è vignût fûr alore un piçul documentari che al conte di cemût che e je nassude la composizion, intant che sot a van lis ripresis des provis e de regjistrazion fatis in Palaç Mantica cul mestri Sivilotti, il violin solist Lucio Degani e i arcs dai Filarmonici Friulani.
Il documentari al vierç il gnûf palinsest Rai in lenghe furlane e al va in onde su Rai 3 bis (canâl 103) vinars ai 9 di Otubar aes 21.40