La Filologjiche e vierç lis sôs puartis pe Gnot di Sant Zuan, un dai moments plui speciâi dal calendari furlan, li che la sience astronomiche si misclice e si instrece cun ritualitâts e crodincis antigonis.
Lunis ai 24 di Jugn aes 6 sot sere si podarà cjapâ part a une visite vuidade aes stanziis
di Palaç Mantica in vie Manin 18 a Udin, edifici storic dal XVI secul e “cjase” de Filologjiche
fintremai dai agns Sessante.
Cun di plui, si podaran scuvierzi i segrets dal mac di Sant Zuan cjapâts sù a Çurçuvint di Andreina Nicoloso Ciceri e Olivia Averso Pellis intai lôr documentaris dai agns Setante.
Ae fin, ducj i partecipants a podaran meti in pratiche chestis cognossincis fasint sù il propri mac di Sant Zuan, in gracie dal laboratori pratic par cure dal Docuscuele – Centri regjonâl di Documentazion, Ricercje e Sperimentazion didatiche pe scuele furlane.