La gnot di Sant Zuan, tra il 23 e il 24 di Jugn, e je stade considerade dilunc dai secui magjiche e plene di rituâi: il mac, lis striis, lis predizions par cjatâ marît...
Par cognossi miôr i ûs popolârs peâts a di cheste tradizion, la Biblioteche de Societât Filologjiche e à metût adun doi percors di leturis, cun contribûts giavâts des rivistis furlanis e des publicazions de Societât, che si puedin lei e discjamâ in maniere libare in formât pdf:
Cun di plui, in gracie dal lavôr puartât indevant des studiosis di tradizions popolârs Andreina Nicoloso Ciceri e Olivia Averso Pellis, o vin une testemoneance des tradizions dal solstizi di Istât e dal "mac di San Zuan" in Cjargne (a Çurçuvint) e tes valadis dal Nadison (a Trusgne di Drencje), tai agns Setante dal Nûfcent.