Tra lis voris culturâls plui impuartantis che e à promovût la Societât Filologjiche Furlane si à di visâsi dal
Atlant lenghistic talian (ALI), une opare di fonde pai studis di lenghistiche e di dialetologjie in Italie. L’Atlant al met adun il patrimoni lessicâl des varietâts de penisule e lu organize cul supuart di mapis. Al cjape dentri sù par jù 5 milions di schedis dialetâls.
La imprese dal ALI, che e fo inviade tal Congrès di Gardiscje dal 1924, sul imprin i fo dade in man a un Comitât di Redazion là che a jerin Matteo Bartoli e Giulio Bertoni, professôrs ordenaris de Universitât di Turin. Par tirâ dongje i materiâi etnolenghistics si domandà la colaborazion di Ugo Pellis che, in chei agns dificii e pionieristics, cu la sô passion e il so spirt al fo l’unic intervistadôr dal Atlant.
Lis rivistis de Societât Filologjiche
«Ce fastu?» e
«Sot la Nape» nus puartin ae scuvierte di cheste grande imprese lenghistiche. I contribûts si puedin lei e discjamâ in maniere libare in formât pdf!
Frache achì par jentrâ tal percors "La imprese dal Atlant Lenghistic Talian"