La Societât Filologjiche Furlane e conserve une racuelte di ceramichis Galvani, la innomenade e storiche manifature di Pordenon. Cinc plats e un bocâl, ducj ogjets di caratar celebratîf.
In particolâr a son cuatri plats realizâts pal Congrès dal 1933, tignût a Cordenons, un bocâl fat pal Congrès di Tisane dal 1934 e altris doi plats pal Congrès 1963, di gnûf a Cordenons.
Pal Congrès di Tisane, tal 1934, al ven realizât un grant bocâl pal vin, su comission a la Galvani di bande de Filologjiche o de citât di Tisane. No je une sielte fate a câs, stant che pe ocasion il studiôs furlan Chino Ermacora al fevelà in conference di "Il vin tes tradizions e tai cjants dal popul furlan", cuntun aprofondiment sul teme dal cumierç dal vin a Tisane tai secui passâts e laudant une zone cussì buine pe produzion di vin.