Ancje chest an Palaç Mantica, sede de Societât Filologjiche Furlane in vie Manin 18 a Udin, al vierç lis puartis par da acet a une biele schirie di iniziativis inmaneadis inte suaze de rassegne Friuli Doc promovude dal Comun di Udin.
Chest al è il program dai incuintris, che si fasaran tal salon d'onôr, e de mostre metude sù inte cjanive de Filologjiche cun jentrade su vie Manin 18/a:
Joibe ai 8 di Setembar, aes 6 e mieze sot sere
Conference Il ruolo delle dimore storiche per il turismo sostenibile
Al interven Raffaele Perrotta
Daspò proiezion di filmâts Alla scoperta di residenze e ricettari friulani
In colaborazion cun ADSI FVG
Vinars ai 9 di Setembar, aes 6 e mieze sot sere
Conciert Degustazione musicale. Splendore barocco fra Veneto, Friuli e Istria
Complès “Gli Archi del Friuli e del Veneto”
diretôr e violin Guido Freschi
Musichis di Vivaldi, Cordans e Tartini
Sabide ai 10 di Setembar, aes 10 e mieze a buinore
Presentazion dal volum La cucina nelle dimore storiche friulane
di Carlo del Torre, publicât de Societât Filologjiche Furlane
Al fevele cul autôr Roberto Zottar
In colaborazion cun "Associazione Dimore Storiche Italiane" e "Accademia Italiana della Cucina" dal Friûl Vignesie Julie
Sabide ai 10 di Setembar dal 2022, aes 6 e mieze sot sere
Presentazion dal libri ilustrât Un regno tra la terra e il cielo. L’avvincente storia dell’ascesa e della caduta del Patriarcato di Aquileia
di Lucio Pertoldi, publicât di Orto della Cultura
Leture ilustrade cun proiezion di dissens gjavâts dal libri
A intervegnin l'autôr, il storic Gabriele Caiazza e i pitôrs di miniaturis Nicola Zaramella e Alessandro Concina
In colaborazion cun Studio Specchio
Dai 6 ai 11 di Setembar
Mostra "Scarpez" de Cjargne
di Dina Della Schiava e Chiara Banelli
Oraris: 10.00 - 12.30 e 15.30 - 18.00
Sabide ai 10 di Setembar, aes 4 daspò misdì
Laboratori Ae scuvierte dai scarpets, tra tradizion e inovazion