Ancje chest an Palaç Mantica, la sede de Societât Filologjiche Furlane in vie Manin 18 a Udin, al vierç lis sôs puartis a une biele schirie di inziativis inte suaze de rassegne Friuli Doc, promovude dal Comun di Udin.
Chest al è il program dai events:
Joibe ai 12 di Setembar, aes 7 sore sere
Palaç Mantica, Cjanive de Filologjiche, jentrade su vie Manin 18/a
Il Patriarcato di Aquileia / Il Patriarcjât di Aquilee / The Patriarchate di Aquileia
Scree de mostre ilustrade par cure di Lucio Pertoldi, un viaç pai zovins e pai grancj ae scuvierte de storie dal Friûl plui antîc
Cu la partecipazion dai storics Gabriele Caiazza e Roberto Tirelli
Oraris di visite par Friuli Doc: 13, 14 e 15 di Setembar 10.00-12.30 e 15.00-17.30
Orari di visite dai 16 ai 27 di Setembar: di lunis a vinars 10.00-12.30 e 15.00-17.30
In colaborazion cun: Avventure Storiche, Invicti Lupi, Amici di Pierino (Cividât), Club pal Unesco di Udin
Vinars ai 13 di Setembar, aes 6 e mieze sore sere
Palaç Mantica, vie Manin 18/a
Visite vuidade al Palaç sede de Societât Filologjiche Furlane
Vinars ai 13 di Setembar, aes 7 sore sere
Salon d'onôr di Palaç Mantica, vie Manin 18
Conciert Armoniis classichis e barochis jenfri il Friûl e il Venit
Cerce musicâl cul complès "Gli Archi del Friuli e del Veneto"
direzût di Guido Freschi e cu la partecipazion di Carlo Rizzi
Musichis di A. Vivaldi, B. Cordans, A. Foraboschi e L. Marzona
Conciert par Enzo Barazza, Sindic de prime edizion di Friuli Doc
Sabide ai 14 di Setembar, aes 10 e mieze a buinore
Salon d'onôr di Palaç Mantica, vie Manin 18
Cunvigne Lâ a puartâ il lat. Lis latariis sociâls turnariis in Friûl, un esempli di produzion casearie
A intervegnin Enos Costantini, Maurizio Tondolo e Roberto Zottar
E introdûs e e coordene Annalisa Sandri
Daspò, cerce di formadis di latarie turnarie
In colaborazion cu la Academie Taliane de Cusine - delegazion di Udin e cu l'Ecomuseu des Aghis dal Glemonês