Marilenghe & Mariscuele, la zornade anuâl de scuele furlane, e rive ae edizion numar 10 e si le fâs a Codroip, in presince, sabide 1 di Avrîl dal 2023.
La zornade di formazion pai insegnants, che chest an e à par titul Semencis pal avignî, e previôt a buinore la cunvigne tal teatri civic Benois de Cecco e dopomisdì une schirie di laboratoris in simultanie.
Il program e la schede di adesion si ju discjame in cheste pagjine a la vôs download, o pûr sul sît dal Docuscuele.
Si à di notâsi dentri di joibe ai 30 di Març mandant la schede di iscrizion ae direzion info@scuelefurlane.it
Midiant de schede si pues iscrivisi a dut il percors o pûr sielzi tra il seminari de matine e un laboratori dal dopomisdì.
Ducj i laboratoris a son a numar sierât cun prioritât daûr de iscrizion. La iniziative e je a gratis.
Segretarie organizative:
DOCUSCUELE
Centri regjonâl di documentazion ricercje e sperimentazion didatiche pe scuele furlane
li de Societât Filologjiche Furlane
vie Manin 18 - 33100 Udin
tel. 0432 501598 int. 5
info@scuelefurlane.it
www.scuelefurlane.it