La Societât Filologjiche Furlane e je a cjâf dal progjet di educazion lenghistiche integrade "Marilenghe te scuele 2018", finanziât de Regjon Autonome Friûl Vignesie Julie, indreçât aes scuelis de infanzie cul obietîf di disvilupâ lis competencis lenghistichis e comunicativis in lenghe furlane.
Dentri dal progjet a son stâts realizâts modui e materiâi didatics pal insegnament e l'ûs de lenghe furlane pes materiis curicolârs, doprant la metodologjie CLIL - e in particolâr la glotodidatiche esperienziâl - che e permet di meti la atenzion sedi su la materie sedi su la lenghe veicolâr.
I materiâi didatics a son stâts rincurâts di bande di un grup di ricercje di docents des scuelis de infanzie in servizi cun competencis specifichis in ambit lenghistic (furlan) e glotodidatic.