Nus à lassâts Bruno Pizzul, l'innomenât gjornalist di Cormons, vôs storiche de Nazionâl taliane di balon.
Tai agns al à vût colaborât ancje cu la Societât Filologjiche Furlane. In particolâr, tal 1994 lu intervistà il prof. Eraldo Sgubin pe riviste Sot la Nape (frache achì par discjamâ il contribût) e tal 2012 al scrivè la presentazion dal Strolic furlan (frache achì par leile). Tal 2016 lu vin nomenât, simpri sul Strolic furlan, tant che un dai "simbui dal Friûl" (lei achì).
Tal Otubar dal 2020, che si jere ancjemò tal plen de pandemie Covid, al à partecipât al ricuart di Enzo Bearzot tai dîs agns de muart inte suaze de Setemane de culture furlane, insiemit cun Franco Causio e cun Dino Zoff e Enio De Corte in colegament, moderâts di bande di Flavio Vidoni.
O podês tornâ a viodi chel incuintri intal barcon adalt in cheste pagjine, al baste fracâ su la freçute par inviâ il filmât.