Vuelistu imparâ cualchi strategjie par imbastî une biele storie?
Vuelistu dâi vôs ae tô fantasie?
In ocasion dal concors leterari Mythlab - gara di storie e di poesie, inmaneât de Comission Culture, Bielece e Art dal Consei Comunâl des Fantatis e dai Fantats di San Zorç di Noiâr, la coperative Itaca e il Sportel associât pe lenghe furlane a proponin doi apontaments alì dal centri di agregazion SpassaTempo, par cure di Serena Fogolini.
Il prin incuintri si fasarà miercus ai 25 di Fevrâr, di 4 a 5 e mieze daspò misdì, cun chê di scuvierzi i personaçs de mitologjie furlane e provâ a doprâju par scrivi une conte.
Il secont incuintri al sarà miercus ai 4 di Març, simpri di 4 a 5 e mieze daspò misdì, e al sarà dedicât ae poesie.
Par informazions e iscrizions, si pues clamâ il numar 3356683513 (Sara).