Inte suaze de rassegne Natale a Udine metude adun dal Comun di Udin, la Societât Filologjiche Furlane e propon pal timp di Nadâl une biele schirie di iniziativis ancje pai fruts e pai zovins.
Libris, leturis animadis e laboratoris par vivi ad implen la magjie dal Nadâl!
PROGRAM
Joibe ai 8 di Dicembar aes 2 e mieze dopomisdì
Udin, place Sant Jacum
(se al è brut timp Palaç Mantica, vie Manin 18)
Grops
Laboratori di trame cun Patrizia Torresin par fâ decorazions di Nadâl cun materiâi diferents (venc, curdelis, spali...)
Sabide ai 10 di Dicembar aes 10 di matine
Udin, place Sant Jacum
(se al è brut timp Palaç Mantica, vie Manin 18)
Origamis di Nadâl
Laboratori in compagnie di Balthazar par fâ decorazions pal arbul di Nadâl cu la tecniche dai origamis
Mostre sientifiche interative fisse di Montereâl
Lunis ai 12 di Dicembar aes 5 dopomisdì
Udin, Palaç Mantica, vie Manin 18
Ti regali un libri par Sante Luzie… Il tesaur di Aurelianus
Leture dal libri cu la ilustradore Barbara Jelenkovich
Laboratori di mosaic in ocasion dal centenari de scuele mosaiciscj di Spilimberc par creâ une decorazion pal arbul di Nadâl ispirade ai mosaics di Aquilee
Vinars ai 23 di Dicembar aes 2 e mieze dopomisdì
Udin, place Sant Jacum
(se al è brut timp Palaç Mantica, vie Manin 18)
Questo è il mio dono per te - Chest al è il gno regâl par te
Laboratori di feltri cu la Associazion "Le Arti Tessili" di Manià par fâ regaluts di Nadâl unics e straordenaris
LABORATORIS PES SCUELIS
in orari di scuele a Palaç Mantica in vie Manin 18 a Udin
daûr prenotazion scrivint a info@scuelefurlane.it
San Nicolau e il Krampus piçul
Leture dal libri e laboratori di ilustrazion cu la autore Barbara Jelenkovich
Neveade
Leture dal libri e laboratori di ilustrazion cul autôr Emanuele Bertossi
Agnui
Laboratori pe creazion di agnui dal bon auguri cu la paie
par cure de ilustradore e atelieriste Federica Pagnucco
Tessaris di mosaic
Laboratori di mosaic cun Silvia Biancolino in ocasion dal centenari
de scuele mosaiciscj di Spilimberc par creâ decorazions di Nadâl