Chest moment particolâr nus domande di tornâ a la normalitât un pôc a la volte; la Societât Filologjiche Furlane e torne a vierzi lis puartis des sedis di Udin e di Gurize tal rispiet des regulis.
In cheste prime fase di riprese, o sin vierts dome su apontament.
SEDE DI UDIN -
Cun martars ai 19 di Mai a Palaç Mantica, in vie Manin 18, o vierzìn la segretarie par iscrizions, paiament des cuotis, servizi di informazions e vendite des nestris publicazions. Si pues jentrâ un a la volte e dome se si à intor une mascarute; si à di tignî la juste distance di chei altris e passâsi lis mans cul disinfetant metût a disposizion di pueste.
La segretarie e il bookshop a restin vierts di lunis a vinars des 10 aes 12.30 e des 14.30 aes 17.30, su apontament (tel. 0432 501598 int. 1 -
info@filologicafriulana.it).
La Biblioteche e vierç al public dome pal servizi di prestit e restituzion dai volums, che si fâs dome par apontament (tel. 0432-501598 int. 2 -
biblioteca@filologicafriulana.it). Par vê un libri in prestit si à di prenotâlu in linie o par telefon o e-mail. Si pues jentrâ un a la volte e si à di vê intor une mascarute. La Sale Consultazion e reste sierade al public. A son garantîts i servizis di
reference a distance a mieç di pueste eletroniche e telefon e il servizi di riproduzion digjitâl al sarà aumentât.
Chei altris uficis par cumò a restin sierâts al public – in câs si pues domandâ un apontament – ma a son disponibii par pueste eletroniche:
Formazion e redazion rivistis -
formazione@filologicafriulana.it;
Comunicazion e events -
eventi@filologicafriulana.it.
Ancje il
Centri di documentazion ricercje e sperimentazion didatiche pe scuele furlane (Docuscuele) al vierç dome par apontament:
info@scuelefurlane.it.
Dutis chês altris ativitâs - incuintris, cunvignis, cors - a son ancjemò sospindudis.
SEDE DI GURIZE -
Cun joibe ai 21 di Mai si torne a vierzi al public ancje Cjasa Ascoli, in vie Ascoli 1, cu lis stessis regulis che la normative in vore e previôt sul teme de prevenzion Covid-19. La sede e je vierte la
joibe des 10 aes 12.30 e des 14.30 aes 17.30 (tel. 0481 533849,
gorizia@filologicafriulana.it) e par jentrâ si à domandâ un apontament.