Fintremai dal an scolastic 1995-1996 la Societât Filologjiche Furlane e promôf la publicazion di Ólmis, il diari bilengâl par furlan e talian che al ven distribuît a gratis in dutis lis scuelis dal Friûl che lu domandin e al compagne i nestris arlêfs vie par dut l’an scolastic.
Ólmis, il diari torzeon par cognossisi e fâsi cognossi, al è dongje di simpri a lis peculiaritâts dal Friûl cun argoments di lenghe, culture e tradizion e ancje chest an al è rivât precîs pal principi de scuele.
L'argoment di cheste 28e edizion al è il grant patrimoni des contis popolârs, la narative di tradizion orâl che, cjapade sù di studiôs e ricercjadôrs a partî de seconde metât dal Votcent, e revoche l'anime e la vite dal nestri popul. Ogni mês si pues lei une conte, presentade di Adriana Cesselli, Magda e Vittorina Carlon su la rielaborazion di Chiara Carminati e insiorade dai biei dissens di cetancj ilustradôrs furlans (adalt, la cuviertine di Paolo Francescutto).