Cu la declarazion dai redits di chest an e torne la pussibilitât di dâ, dongje dal 5 par mil, ancje il 2 par mil des impuestis a pro des associazions culturâls ricognossudis, là che e jentre ancje la Societât Filologjiche Furlane: fâ cheste sielte nol vûl dî paiâ di plui tassis!
Cemût fâ? Tes barconetis metudis di pueste tal model di declarazion dai redits doprât (la presentazion dal Model Unic e je stade prorogade fin ai 30 di Novembar), al covente firmâ e segnâ in chel spazi il codiç fiscâl de Societât Filologjiche Furlane, che al è:
800 105 103 05
O vin agrât a ducj i Furlans che a fasaran cognossi cheste pussibilitât di judâ la Societât Filologjiche Furlane ancje ai lôr familiârs e amîs.
E je une maniere par dâ pardabon une man a un Istitût culturâl che di passe un secul al lavore a pro de tutele e valorizazion de lenghe e culture furlane.