Di passe cent agns la Societât Filologjiche Furlane si impegne pe promozion de lenghe, de culture e de indentitât fulane cun cetantis ativitâts, iniziativis, publicazions e progjets in continuitât dilunc di dut l'an.
A son tantis lis manieris par judâ la Filologjiche, prin di dut cul fâsi socis, ma ancje cu la sielte de destinazion dal 5 par mil. Cu la declarazion dai redits si pues di fat destinâ il 5 par mil des impuestis a pro dai ents dal tierç setôr, là che e jentre ancje la Societât Filologjiche Furlane: fâ cheste sielte nol vûl dî paiâ di plui tassis!
Cemût fâ? Tes barconetis metudis di pueste tal model di declarazion dai redits doprât, al covente firmâ e segnâ in chel spazi il codiç fiscâl de Societât Filologjiche Furlane, che al è:
800 105 103 05
O vin agrât a ducj i Furlans che, cu la lôr sielte, a judaran la Societât Filologjiche e a fasaran cognossi cheste pussibilitât ancje ai lôr familiârs e amîs.