Nodâr, aministradôr, storic, scritôr e poete Pieri Somede dai Marcs al jere nassût - insiemi cul zimul Carli, storic de art - a Merêt di Tombe ai 14 di Novembar dal 1891.
Al è stât autôr di cetantis racueltis di poesiis, tacant cun Il miò zardin dal 1925 fin a Su l'ale dal timp dal 1969, e di tantis voris teatrâls.
Al è stât redatôr dal «Strolic furlan» (dal 1926 al 1931 e dal 1951 al 1957) e diretôr dal «Ce fastu?» (dal 1927 al 1929).
Pai 130 agns de nassite la Biblioteche de Societât Filologjiche Furlane e à metût adun un percors bibliografic di tescj par furlan di Somede dai Marcs che a son stâts publicâts su lis rivistis sociâls.
I contribûts si puedin discjamâ in maniere libare in formât PDF; par jentrâ tal percors, fracâ sul link in cheste pagjine.