Il Premi al è bandît dal Comun di Cordenons in colaborazion cul Grup Cordenonês dal Cjavedal, cul patrocini e la poie de Regjon Autonome Friûl Vignesie Julie, Agjenzie Regjonâl pe Lenghe Furlane (ARLeF), Universitât dal Friûl, Societât Filologjiche Furlane, Ent Friûl tal Mont, Ent Furlan de Assistence Sociâl Culturâl Emigrants (EFASCE), edizions Alba e cu la partecipazion de Famee Appi.
Il Premi al intint promovi, ricuardâ e valorizâ la figure e la opare di Renato Appi (1923-1991), cognossidôr preseât e studiôs de culture furlane.
Viert a ducj, il Premi al è risiervât ae poesie in lenghe furlane o a sôs variantis locâls. Lis poesiis, di une a cinc par ogni partecipant a àn di jessi ineditis e il teme al è libar. Lis scuelis a puedin partecipâ cun lavôrs di ricercje peâts ae culture popolâr e aes tradizions dal teritori ch'a podaran jessi metûts in vore midiant dutis lis espressions artistichis ch'a àn caraterizât la produzion di Renato Appi (conte, poesie, teatri, cine, fotografie, musiche).
Il bant par intîr si pues discjamâ dal download in cheste pagjine