Al è stât sprolungjât timp fin a misdì dai 11 di Otubar dal 2025 il timp par partecipâ ae XI edizion dal premi leterari intitulât a Nelso Tracanelli (1934-2002), dât fûr dal Comun di San Michêl dal Tiliment in colaborazion cu la Associazion "La Bassa", la Societât Filologjiche Furlane, la Agjenzie Regjonâl pe Lenghe Furlane (ARLeF), il CIRF de Universitât dal Friûl e il Centri di studis "Pier Paolo Pasolini" di Cjasarse.
Il Premi al intint ricuardâ e valorizâ la figure e la opare dal poete, scritôr e studiôs de culture dal teritori di San Michêl e valorizâ la culture furlane locâl e la produzion leterarie in gjenar.
Il concors, par composizions in lenghe furlane e in lenghe taliane, al è viert a ducj dai 15 agns insù e al previôt dôs sezions di partecipazion:
1. poesie in lenghe furlane (in cualsisei varietât)
2. poesie in lenghe taliane
Si pues presentâ, par ogni sezion, fin a 3 componiments di massim 30 viers ognidun. Lis voris a àn di jessi ineditis e no àn di jessi za stadis premiadis o segnaladis in altris concors.
Il regolament par intîr, cul model di iscrizion, si pues discjamâlu dal download in cheste pagjine.
Par informazions:
Biblioteche Comunâl "Nelso Tracanelli"
San Michêl dal Tiliment, vie Piave 2
tel. 0431 50020
biblioteca@comunesanmichele.it
eventi.culturali@comunesanmichele.it
www.comunesanmichele.it