In conclusion di cheste particolâr edizion di Sierade de
Setemane de culture furlane, la Societât Filologjiche e à l'onôr di ospitâ la cerimonie di premiazion de 41e edizion dal
Premi leterari in lenghe furlane San Simon.
La serade des premiazions, che come simpri si fasile te dì di San Simon, ai 28 di Otubar, e varès vût di tignîsi inte Sale dal Consei Comunâl a Codroip ma, par vie des disposizions dal ultin DPCM, le fasìn in linie, aes 9 di sere in direte streaming sul sît
www.setemane.it
Nassût tal 1979, il Premi leterari plui prestigjôs dal Friûl vuê al rive a 41 edizions e 45 oparis publicadis, tocjant ducj i gjenars leteraris: dal romanç a la racuelte di contis, da la traduzion al saç fintremai al fumet. Cetancj i scritôrs che a àn partecipât al Premi e cetantis lis oparis di nivel alt che a àn insiorât la leterature furlane dal di dì di vuê cun autôrs come Pre Toni Beline, Medeo Giacomini, Gianni Gregoricchio e Franco Marchetta par rivâ tai ultins cinc agns a doi autôrs une vore origjinâi come Gianluca Franco e Raffaele Serafini. In chest ultin periodi al premi leterari si è zontât ancje un premi pes produzions audiovisivis in marilenghe. I lavôrs vincidôrs a son publicâts de Societât Filologjiche Furlane.