La Societât Filologjiche Furlane, che e colabore a la iniziative, e vise che al è dât fûr il bant de 46e edizion dal Premi leterari in lenghe furlane San Simon, promovût da la Citât di Codroip e intitulât a la memorie di Agnul Pitane.
A cheste edizion dal concors si pues partecipâ intes sezions de Racuelte di contis e de Traduzion.
Il regolament si lu cjate tal bant che si pues discjamâ ae vôs download in cheste pagjine.
Lis voris a àn di rivâ dentri dai 30 di Jugn dal 2025.