Ai 17 di Zenâr di chest an in Palaç Tadea a Spilimberc, inte suaze de cunvigne Una terra 4 lingue. Passato presente futuro del plurilinguismo in Friuli Venezia Giulia, al è stât presentât il volum RAI pal Friûl, che al scree la golaine "Cuaders de comunitât furlane".
Il volum, par cure di Gianluca Franco e Claudio Romanzin, al cjape dentri lis relazions presentadis in ocasion dal incuintri Rai pal Friûl. Lis prospetivis pe tutele intal servizi public radiotelevisîf che si è davuelt a Udin inte sede de Societât Filologjiche Furlane ai 14 di Març dal 2024.
Il volum si pues leilu e discjamâlu in maniere libare in formât pdf dal sît "Teche friulane" a cheste direzion:
https://www.techefriulane.it/biblioteca-digitale/scaffale-digitale/rai-pal-friul