Tai agns Setante dal Nûfcent lis dôs studiosis Olivia Averso Pellis e Andreina Nicoloso Ciceri a àn vût realizât 8 video documentaris su lis tradizions popolârs plui impuartantis dal Friûl.
Inte suaze dal progjet “Video Memorie del Friuli”, sostignût de Regjon autonome Friûl Vignesie Julie, la Societât Filologjiche Furlane e à volût recuperâ e studiâ chest font cetant preseôs, par valorizâlu e slargjâ la sô cognossince.
Cumò i filmâts si puedin viodi in maniere libare dal sît de Societât Filologjiche (menù Biblioteche Archivis - I fonts - Documentaris etnografics Ciceri Pellis) o pûr fracant sul link https://videoetnografici.filologicafriulana.it/