Inte suaze dal cors di lenghe e culture furlane di Manià si presente la ultime vore di Novella Del Fabbro.
La lezion e je vierte a ducj, sedi ai corsiscj sedi a cui che nol è iscrit al cors.
Salustris in Cjargno al met adun contis te variante cjargnele di 'Culino', che a fevelin des mareveis de nature, int e usancis de tiere de autore.
Maraveis de nature: animâi piçui e grancj, plantis e arbui, lûcs li che la bielece naturâl de nestre mont si è conservade in dut il so sflandôr. Int: tantis personis che a son vivudis in chescj paîs o che, rivadis di fûr, ju àn cognossûts e amâts. Usancis di îr e di vuê, che a mostrin cemût che la interazion secolâr fra int e tiere e à fat nassi contis e tradizions, ma e je stade ancje la fonde di une vite economiche e culturâl ancjemò vivarose, svariade, plene di relazions cun paîs e personis di dongje e di lontan.
Il libri, publicât inte golaine Agâr de Societât Filologjiche Furlane, al è insiorât dai acuarei di Annalisa Gasparotto.