Al è timp di
Scuele di Avost! Chest an al cambie sedi il periodi (une setemane prime par evitâ di jessi masse sot di Setembar) sedi la formule: no plui un percors di formazion residenziâl intune sede sole, ma un viaç formatîf ae scuvierte dal nestri teritori cun puescj ogni dì diferents. Si laran a cognossi cussì la sede de Societât Filologjiche Furlane di Udin, il Museu de civiltât contadine di Fare e il Museu etnografic di Fossalte.
Dai 22 ai 24 di Avost il
Docuscuele (Centri regjonâl di documentazion ricercje e sperimentazion didatiche pe scuele furlane) al propon une gnove edizion dal percors estîf di formazion pai insegnants des scuelis de infanzie, primariis e secondariis di prin grât, increditât daûr des Liniis Vuide MIUR.
La partecipazion e je libare e gratuite: si pues iscrivisi a dut il percors formatîf, dome a une zornade, dome a une ativitât. Lis ativitâts a son prime di dut pai insegnants, ma a son benvignûts ancje i familiârs e amîs curiôs di cognossi il nestri teritori.
Il program e la schede di iscrizion si puedin discjamâ tal download in cheste pagjine.