Al è timp di
Scuele di Avost! Il percors di formazion par insegnants, che al rive ae edizion numar 8, al è inmaneât dal servizi pe scuele de Societât Filologjiche Furlane, il
Docuscuele - Centri regjonâl di documentazion ricercje e sperimentazion didatiche pe scuele furlane.
Si trate di un cors di inzornament increditât daûr des Liniis Vuide MIUR pai insegnants des scuelis de infanzie, primariis e secondariis di prin grât.
Lis sedis di chest an a saran il Mulin Braida o Mulin di Tilio a Flambri di Talmassons (ai 21 di Avost), il Museu Casa Clautana e Ciasa da Fum a Claut (ai 22 di Avost) e la sede de Protezion Civîl di Palme (ai 27 di Avost).
La partecipazion e je libare e gratuite. Si pues iscrivisi a dut il program (16 oris in dut), dome a une zornade, dome a une o plui ativitâts: al sarà dât fûr un atestât di formazion daûr des oris fatis. Lis ativitâts a son prime di dut pai insegnants, ma a son benvignûts ancje i familiârs e amîs curiôs di cognossi il nestri teritori.
Il program si pues discjamâ tal download in cheste pagjine. Tu puedis ancje cjalâ la pagjine de "Scuele di Avost" sul sît dal Docuscuele fracant achì!