In considerazion dai tancj ingrès su la plateforme DOL, a pocjis oris de scjadince dal bant e stant i miârs di domandis cjamadis sul sisteme ma no inmò presentadis, il Dipartiment, per permeti a ducj i zovins interessâts di podê candidâsi, al proroghe di 48 oris la scjadince dal bant.
Partant si pues fâ domande fin aes 14:00 dai 17 di Fevrâr dal 2021.
La Societât Filologjiche Furlane e partecipe al Bant di Servizi Civîl Universâl 2020/2021: i puescj a disposizion te nestre sede di Udin a son 4, par zovins dai 18 ai 28 agns.
Lis ativitâts a saran cetantis, tal rispiet des normis in vore cuintri il Covid e a tutele de salût dai partecipants.
Il bant di selezion e i modei par fâ domande a son publicât sul sît internet dal Servizi Civîl Universâl: www.serviziocivile.gov.it
Il progjet che la Societât Filologjiche e propon si clame "ProLenghe 2020" e si pues lei a chest metalink: ProLenghe 2020
AIO I RECUISÎTS PAR PARTECIPÂ?
A puedin fâ domande i zovins cence distinzion di ses che a vedin chescj recuisîts:
- vê fat 18 agns e no vênt plui di 28 (28 agns e 364 zornadis al massim) inte date di presentazion de domande;
- vê la citadinance taliane, o di un di chei altris Stâts membris de Union Europeane, o di un Paîs fûr de Union Europeane pûr che il candidât al stedi in maniere regolâr in Italie;
- no jessi stâts condanâts, ancje in vie no definitive, ae reclusion superiôr a un an par un delit nô colpôs, o ae reclusion ancje inferiôr par un delit cuintri la persone o rivuart l'ûs, puart, traspuart, importazion o esportazion ilecite di armis o materiâi esplodents, o par delits che a rivuardin la apartignince o il favoriment a grups eversîfs, teroristics o di criminalitât organizade.
Par vê plui informazions sui recuisîts di partecipazion: https://www.scelgoilserviziocivile.gov.it/faq-home
CEMÛT PUEDIO FÂ DOMANDE?
La domande si fâs dome online a mieç de plateforme DOL, colegantsi a chest link: https://domandaonline.serviziocivile.it/
Se tu cjatis dificoltâts inte compilazion, a chest link https://scelgoilserviziocivile.gov.it/media/1113/nuovaguida_dol_nomisureaggiuntive.pdf tu puedis cjatâ une vuide pratiche ti judarà a fâ dut inte maniere jueste e plui svelte pussibile.
Codice sede: 194498
Sede: Società Filologica Friulana
Provincia: Udine
Comune: Udine
Indirizzo: Via Manin 18
Cap: 33100
Volontari richiesti: 4
TROPIS DOMANDIS DI ADESION PUEDIO PRESENTÂ?
No si pues fâ domande par plui progjets, duncje al covente sielzi chel che al corispuint di lui ai propris interès.
DENTRI DI CUANT AIO DI FÂ DOMANDE?
La plateforme e permet di mandâ la domande di adesion dentri des 14.00 dai 17 di Fevrâr dal 2021. Dopo no si podarà plui jentrâ inte plateforme.
CUÂI SONO I CRITERIS DI SELEZION?
Il calendari di convocazion al colocui al ven publicât sul sît dal Ent che al met in vore il progjet almancul 10 dîs prin dal stes colocui.
I colocuis di selezion a podaran ancje davuelzisi on line, in considerazion de emergjence epidemiologjiche Covid-19 inmò in vore, tal câs che no sedin lis condizions par davuelzi lis provis in presince.
A paritât di ponts intes graduatoriis des selezions si preferìs il candidât plui grant di etât.
Par jentrâ in servizi si varà di sotscrivi il contrat di Servizi civili, che si dicjame dal sît dal Dipartiment.
TROP DURIAL IL SERVIZI?
Il servizi al dure 12 mês.
L’orari di servizi al è di 25 oris par setemane par un totâl di 1.145 oris tal cors dal an.
L’assegn mensîl pai operadôrs volontaris al è di 439,50 €.
La date che al tache il servizi dai volontaris si stabilìs tignint cont di elements tant che la conclusion des selezions, la compilazion e l'esam des graduatoriis, esigjencis specifichis dal progjet; la date e ven publicade sul sît dal Dipartiment pes Politichis zovanîls e il Servizi civîl universâl e sul sît dal Ent.
Il servizi al tache dut câs dentri di Setembar dal 2021.
Tu puedis tornâ a fâ domande se, par cause de emergjence epidemiologjiche Covid-19, tu âs vût il servizi o il progjet interot.
Par informazions:
Biblioteche de Societât Filologjiche Furlane
e-mail: biblioteca@filologicafriulana.it
tel. 0432 501598 int. 2