Come par tradizion, a Sante Catarine la Societât Filologjiche e à presentât la gnove edizion dal Strolic Furlan, inte sô sede di Palaç Mantica a Udin e inte suaze de rassegne Nadâl in Filologjiche, in colaborazion cul Comun di Udin.
Il Strolic pal 2024, metût adun di Dani Pagnucco, al à par argoment "Une regjon piçule, un grant zardin florît" e nus puarte ae scuvierte dai plui biei flôrs dal Friûl cu lis bielis fotografiis di Serena Chiapolino e lis descrizions di Alberto Candolini.
E à presentât Martina Delpiccolo, cu lis musichis dai mestris Gianni Fassetta e Giovanni Maniago e lis leturis di Maria Dolores Miotto.
Al è stât presentât ancje il Lunari pal 2024, burît fûr cu la poie di Civibank.
La presentazion si pues tornâ a viodile tal barcon chi parsore.