Al è vignût fûr il Strolic furlan pal 2026, il librut storic de Societât Filologjiche Furlane pal an cu ven, rivât ae edizion numar 107.
Il gnûf Strolic al è metût adun di Dani Pagnucco e nus puarte ae scuvierte des monts dal Friûl, "perlis di une corone sflandorose".
Cul Strolic al è vignût fûr ancje il Lunari pal 2026, stampât cu la poie di Civibank.
I ultins incuintris di presentazion sul teritori a saran:
Joibe ai 29 di Zenâr, aes 8 e mieze di sere
Cordenons, Atri Auditorium "Aldo Moro"
Sabide ai 31 di Zenâr, aes 5 daspò misdì
Paulâr, Sale consiliâr