Si presente a Colorêt di Prât, par iniziative de Pro Loco Colorêt di Prât e cul patrocini dal Comun di Pasian di Prât, il Strolic furlan pal 2026, burît fûr de Societât Filologjiche Furlane e rivât ae edizion numar 107.
Il gnûf Strolic al è metût adun di Dani Pagnucco e nus puarte ae scuvierte des monts dal Friûl, "perlis di une corone sflandorose".
La presentazion e sarà sabide ai 7 di Març aes 7 di sere li dal Centri Polifunzionâl di Colorêt di Prât.
Leturis par cure di Valentina Peressini e Carlo Zanini.