Al è vignût fûr il Strolic furlan, il librut storic de Societât Filologjiche Furlane metût adun pal 2025 di Dani Pagnucco.
La gnove edizion e à par teme "La bielece che nus scjampe" e, lant indevant cul an passât, nus puarte ae scuvierte dai flôrs dal Friûl.
Lis schedis botanichis a son par cure di Alberto Candolini, lis fotografiis a son di Serena Chiapolino.
Come par tradizion il Strolic al cjape dentri contis, poesiis e rubrichis scritis intes diferentis varietâts de lenghe furlane. Tra i tancj, a scrivin ogni mês Gianni Colledani, Angelo Floramo, Laurino Nardin, Gianluca Franco, Diego Lavaroni, Carlo Zanini. A son simpri presints i corsiscj dai cors pratics e i furlans tal forest, che a tegnin vive la nestre marilenghe.
I dissens a son di Annalisa Gasparotto, Oriana Cocetta e Genesio Romano.
Cul Strolic si presente ancje il Lunari pal 2025, intes versions di mûr e di taule.
La prossime presentazion e sarà joibe ai 30 di Zenâr aes 5 dopomisdì a Ruvigne in Biblioteche (vie Rome 10, S. Jacum).
Al sarà presint il curadôr Dani Pagnucco cu la fotografe Serena Chiapolino e il professôr Gianni Colledani.
Leturis di Giorgio Gianfranco Pascoli e Sonia Simonutti