Al larà in sene ai 29 di Novembar, aes 8 e mieze di sere, intal auditorium "San Zorz" di San Zorç di Noiâr, il spetacul Strumîrs e Zambarlans di Alviero Negro, gnove produzion dal Teatri Stabil Furlan, cu la regjie di Ferruccio Merisi.
Il drame dal scritôr nassût a Muçane al conte di un dai riviei plui tragjics pe storie furlane, ricuardât cul non di “Crudel zobia grassa”: lis violencis de joibe grasse dal 1511 che, de citât di Udin, si slargjarin par dut il Friûl cun maçalizis e fiscaments in dam de nobiltât locâl, za dividude in dôs fazions in lote, in part cui venezians, in part cui Asburcs, ai timps de rivade in Friûl di Massimilian di Austrie.
La jentrade e je sore nuie, in gracie dal finanziament dai Comuns di Cjarlins, Gonârs, Muçane, Porpêt, Prissinins e San Zorç di Noiâr.