Al è timp di belanç pe Setemane de Culture Furlane 2021, la rassegne promovude de Societât Filologjiche Furlane.
Il sucès di cheste otave edizion che, come za tal 2020, si è davuelte dai 6 ai 16 di Mai pe plui part in linie, al è pandût dai dâts che nus vegnin des plateformis informatichis: di fat a son stâts passe 340 mil i contats regjistrâts dal sît internet de rassegne e passe 20 mil lis visualizazions, in direte e in regjistrazion.
E cumò a son plui di 40 i events che si puedin tornâ a viodi in maniere libare sul sît internet
www.setemane.it
Buine vision!