Vinars ai 24 di Novembar dal 2023 i rapresentants dal mont culturâl furlan si son dâts adun intun inte sede de Societât Filologjiche Furlane par puartâ la atenzion su la cuistion dal Messâl in lenghe furlane, dopo che la assemblee dai vescui talians no à fate buine la traduzion in marilenghe.
Dopo de introduzion dal president Federico Vicario a son intervignûts Gabriele Zanello, docent de Universitât dal Friûl e rapresentant dal Istitût Pio Paschini pe storie de Glesie in Friûl, pre Romano Michelotti, president di Glesie Furlane, e bons. Duilio Corgnali, president de Comission diocesane pe traduzion dai libris liturgjics.
Dilunc dal incuintri al è stât presentât un document par sostignî lis azions che la nestre Glesie e intint meti in vore par rivâ a la aprovazion definitive dal Messâl.
La regjistrazion dal incuintri si pues viodile intal barcon achì parsore.
Il document, che si pues discjamâ tal download in cheste pagjine, al è stât firmât di bande di personis fisichis e istituzions culturâls furlanis e al è stât mandât a la atenzion dal card. Matteo Maria Zuppi, president de Conference Episcopâl Taliane.