Di dulà nassie la culture dal volontariât in Friûl? Parcè isal cussì impuartant invistî part dal nestri timp par dedicâlu a chei altris? Chest progjet al propon un viaç intal mont de solidarietât, par capî cemût che e funzione cualchidune tra lis realtâts plui impuartantis te nestre Regjon, cuale che e je la lôr storie e la normative daûr.
Une schirie di incuintris inmaneade cun chê di judâ i fantats (e no dome) a deventâ citadins cussients de impuartance dal “vê cure”, par stâ ben cun noaltris e par fâ dal ben a chei altris:
Joibe ai 20 di Avrîl - La Costituzion taliane
Joibe ai 27 di Avrîl - La Protezion Civîl in Friûl
Joibe ai 4 di Mai - I dovês dai citadins
Joibe ai 11 di Mai - Regulis pal benstâ
Joibe ai 18 di Mai - Visite ae sede de Protezion Civîl FVJ
Detais inte locandine che si pues discjamâ in cheste pagjine
I incuintris a son sore nuie e a son increditâts daûr des Liniis Vuide MIUR. A son vierts a ducj e ai insegnants, ae fin dal percors di formazion, al vignarà dât fûr un atestât a seconde des oris fatis. Il percors si tignarà in linie su plateforme Zoom e in presince dome pal ultin apontament.
Si à di notâsi dentri di joibe ai 20 di Avrîl sul sît www.scuelefurlane.it, fracant sul boton ISCRIVITI.