Musicist, fotograf, poete, pitôr, inzenîr. A sono tantis lis definizions che si puedin dâ a Giovanni Battista
Marzuttini,
Tite Grison, personaç cun mil musis artistichis nassût a Udin ai 9 di Fevrâr dal 1863 e muart a Favuîs di Gonârs al 1 di Dicembar dal 1943.
Chest an a colin i 160 agns de sô nassite e i 80 agns de muart e par ricuardâlu la Societât Filologjiche Furlane e à inmaneât inte suaze de rassegne Nadâl in Filologjiche, cul contribût dal Comun di Udin, un conciert di e cun Lino Straulino (ghitare e vôs), Agnese e Anastasia Fabbro (vôs).
Il cjantautôr cjargnel nus presentarà cualchidun dai cjants componûts dal artist, che al à vût musicât ancje i componiments di altris leterâts furlans, tra i autôrs plui impuartants inte produzion
poetiche dal Nûfcent.
La jentrade e je libare fin ch'al è puest.