La Lavagne Plurilengâl e je une rêt di istituzions culturâls e scolastichis, che la Societât Filologjiche Furlane a ‘nd è vuide, che a lavorin in Friûl impegnadis par la valorizazion dal plurilinguisim a scuele, la promozion, il sostegn e la cognossince da la lenghe furlane e dal patrimoni linguistic regjonâl.
In particolâr cheste e cîr lis finalitâts segnadis ca sot:
1. la promozion tes scuelis dal 2t cicli di une educazion plurilingue e di une didatiche a contat plurâl cun particolâr riferiment a la situazion da la lenghe furlane e da la metodologjie CLIL in lenghe furlane di meti dongje ai programs CLIL in lenghe comunitarie, come forme inovative di insegnament/aprendiment;
2. il svilup te comunitât scolastiche e extra scolastiche da la cussience da la diversitât linguistiche che e je ricje la Regjon Friûl Vignesie Julie e l’Europe;
3. la promozion e il svilup di un program CLIL plurilingui che a coinvolzedin sedi lis lenghis comunitariis sedi lis lenghis regjonâls o minoritariis presintis sul teritori.
Lis finalitâts da la Rêt si lis cîr midiant da lis ativitâts segnadis ca sot:
a) racuelte, condivision e divulgazion di esperiencis realizadis da lis scuelis che a fasin part da la Rêt;
b) promozion di percors di ricercje/azion;
c) progjetazion e realizazion di percors o ativitâts in lenghe furlane; d) organizazion di incuintris, seminaris, laboratoris didatics;
e) ativitât di formazion par insegnants;
f) produzion di percors e materiâi didatics;
g) promozion e partecipazion a progjets integrâts di rêt ancje cun altris ents e/o colaboradôrs istituzionâi;
h) partecipazion a progjets e plans regjonâi, statâi e europeans.