Dal 1965, un an prime de muart dal autôr, e vignive presentade la racuelte des esortazions morâls di pre Josef Marchet (1902-1966) metudis dongje cul titul di
Lis predicjis dal muini.
Vigji Scuete al è il muini imagjinari de imagjinarie vile di Gargagnà di Sore che, par bisugne, si cjate tal puest dal plevan e al intraten i siei paisans cun grande scletece e cuntun lengaç che dispès al beche.
Tornadis a publicâ in grafie uficiâl tal 2016 di bande de Societât Filologjiche Furlane in colaborazion cul Consei Regjonâl e cu l’ARLeF, tal 2019
lis predicjis a son stadis trasmetudis par radio di bande de RAI dal Friûl Vignesie Julie cu la vôs dal atôr Fabiano Fantini e cumò a rivin in linie par che ducj a puedin scoltâlis in maniere libare.
Tu puedis ancje discjamâ il libri in formât pdf fracant sul download, o pûr comprâlu (viôt il link in cheste pagjine).