La seconde anualitât dal progjet
Marilenghe te scuele e je lade indevant cu la produzion di materiâi didatics pe scuele primarie, cheste volte metudis adun par unitâts didatichis e no par classe.
Lis ativitâts dal progjet a àn rivuardât la realizazion di 7 unitâts didatichis:
- Il tesaur de tiere (siencis e musiche)
- O come ort (siencis)
- La tartarughe Sprint (educazion stradâl)
- Thanner... mûrs e ûfs dûrs par un pitôr (storie e storie locâl)
- Costituzion de Republiche Taliane (citadinance e costituzion)
- Dentri tes imagjins (art e imagjin)
- Ducj par un, un par ducj! (interculture e educazion ae convivence civîl)
La Societât Filologjiche Furlane e je a cjâf dal progjet, che al è stât finanziât de Regjon Autonome Friûl Vignesie Julie a valê sui fonts pai progjets speciâi pe scuele - Bant 2015.
Pe anualitât 2015 a àn colaborât al progjet chestis scuelis:
- Istitût Comprensîf di Cividât
- Istitût Comprensîf di Faedis
- Istitût Comprensîf di Pagnà
- Istitût Comprensîf di "Margherita Hack" di San Vît dal Tiliment
- Istitût Comprensîf di Trasaghis
- Istitût Comprensîf “Giovanni XXIII” di Tresesin
Viôt la pagjine di detai dal progjet sul sît internet di Docuscuele