Marian tal Friûl di soreli jevât, al è innomenât pe produzion di vins e par vê tacât, tal '700, l'industrie di cjadreis in Friûl. Te storie, Marian al à viodût passâ sul sô teritori i Turcs, i Venezians, i Todescs e i Francês cu lis lôr vueris.
Lis origjinis dal paîs a son dal stes timp di chês di Acuilee e il non di Marian al vignarès fûr di un soldât roman mandât di Rome a fondâ une colonie intal Venit.