La Societât Filologjiche Furlane, adun cu la Citât di Tarcint, cul Ent Friûl tal Mont e cul Ducât dai vins furlans, e inmanee il Premi "Chino Ermacora" Scuele e marilenghe, bant di concors par progjets didatics destinât aes classis des scuelis de infanzie, des scuelis primariis e secondariis di prin grât dai Istitûts Comprensîfs dal Friûl.
Il Concors al premie i miôr progjets didatics che si riferissin ae lenghe, ae storie, al ambient, al teritori, aes dissiplinis didatichis, ae culture e aes tradizions dal Friûl.
Il Premi al è patrocinât dal Ufici Scolastic Regjonâl dal Friûl Vignesie Julie e de ARLeF - Agjenzie Regjonâl pe Lenghe Furlane.