La Societât Filologjiche Furlane e da premis di studi e par tesis di lauree e di dotorât, riservâts ai students iscrits intune Universitât o intun Istitût di studis superiôrs, in Italie o tal forest.
I premis di studi a son riservâts ai candidâts che a àn cjapât almancul 27/30 intun dai esams che si à iniment tal articul 4 dal Bant.
I premis pes tesis di lauree e di dotorât a son riservâts ai lavôrs su un di chescj argoments: antropologjie dal Friûl, didatiche de lenghe furlane, etnomusicologjie e musiche popolâr furlane, gjeografie regjonâl, lenghe e culture ladine, lenghe e leteradure furlane, lenghe ladine, lenghistiche furlane, lenghistiche ladine, storie dal Friûl, legjislazion su lis lenghis minoritariis.
Par podê ricevi il premi, si à di consegnâ une copie su cjarte de tesi e si à di autorizâ a depositâle e a publicizâle. La copie e restarà te Biblioteche de Societât.